兩日一夜珠海橫琴長隆海洋王國 – Chimelong Ocean Kingdom

今個星期跟Pauline公司旅行團去左係珠海橫琴既兩日一夜長隆海洋王國
橫琴係呢幾年真係變得好快,期實以前都到唔知橫琴係乜,而家就以經好似係一個城市咁…

長隆海洋王國 2014 年三月開,開業半年後參觀好彩好多野都仲work,
仲好新凈,再過多陣就真係好難講….要明白中國人的毀滅能力真係好強

RMB$350 入場費然不算平。。。但係今日係星期六,都好多人呢

機動遊戲我同Pauline就不喜歡玩,主力睇動物同埋行街啦,企鵝香港海洋公園都有,
海洋公園其實開放式仲靚D同埋親近D,感受到佢地既生活環境有幾凍,
不過大陸算啦,開放式真係分分鐘比人攞左隻返屋企 -_-“

大黑熊….有得買紅蘿白比佢地食,不過你要拋好好好好好好遠入去比佢食,
完全無Feel,連勁鍾意餵動物既Pauline 到無餵飼既欲望…. 等睇人餵仲好睇

跟住就排大白鲸表演,我地早15分鍾排隊都以經係最尾個25%,
如果想坐前排真係要一個鐘之前去排好D

大白鲸表演….可能開業真係得半年,
個show 都仲係好甩漏,感覺上D大白鲸好慘 :S

跟住就去參觀個公園既主角,海洋奇觀!
海洋奇觀暫時係全世界最大既魚缸, 長39.6meter 真係好震撼既 🙂
好有係海底既感覺,值得慢慢欣賞的。

話咁快行到晚飯時間,就返左去酒店食晚飯,
食完就去睇馬戲!

話咁快行到晚飯時間,就返左去酒店食晚飯,
食完就去睇馬戲!

第二次睇長隆馬戲,感覺上進步多了,
音響同節奏都比四年前睇好,雖然有D表演同長隆野生動物園差唔多,
但係個 Liveband 真係值得一讚,另成個show 生色不少。

RMB$350 即係港紙 HK$440 到,比起香港海洋公園同埋迪士尼
我就不覺得有物超所值的感覺,但係如果香港的主題公園到以經去到悶晒
又好想睇大魚缸的話,其實都可以一去既,不過就請盡快去吧 🙂

大潭郊野公園 – 潭崗石澗 – Tai Tam Country Park Swimming Hole

成日講行大潭水塘,但其實大潭水塘其實有四個,:
大潭上水塘、大潭副水塘、大潭中水塘及大潭篤水塘
加埋就成為港島食水的主要來源,統稱為大潭水塘群…

今次就去左大潭道作為起點既大潭篤水塘上去參觀潭崗石澗…
外國人叫佢做 Tai Tam Swimming Hole 既地方!

大潭道其中一個好有趣既路段就係要係條好窄既水霸上揸車行過…
其實都有少少技巧,跟大隊實無死 😛

我很喜歡同我一齊行山既人講….
英國政府真係為香港尼個殖民地帶黎好多好靚既野,
如果無比英國管治過你話點會有咁靚既水塘?

潭崗石澗其實系係港島徑第六段大潭崗乎近,但係如果想最快去到都係由大潭道開始吧,
下面紫色就係今次路線….
Screen-Shot-2014-09-29-at-12.52.16-am

大潭水塘道一直入20-30 min 就會會合港島徑,轉左再行15mins 到就會見到入口位

入口就係咁…不過條路真係唔好行,好多位好跣,手腳並用….要好好好好好小心,否則真係好危險

落山既路唔係好長,大概4-5 層樓高,落到尼好靚真係另一境介!!

D水好清,睇到好多魚同埋蝦仔!

IMG_5173

影相果個點影架… XD

玩左一個鐘就要走了,爬返上去總比落山容易

香港其實有好多地方好靚的,
比心機會發現好多關於香港既informatiom,
慢慢發現也是樂趣之一呢 😀

45分鐘赤柱斜炮頂路線!

話說上星期先去完斜炮頂
今個星期就同埋Pauline 帶 Kannie 同 Tate 上去!

路線都係同上次一樣,今次唔多講了

*** 360 全景圖 ***

仲有三個山頭,Kannie 就上晒香港島既山了….

赤柱 黃麻角道 斜炮頂 點去 – Stanley

香港島赤柱尾既斜炮頂其實都想去好耐,重點其實系因為
背面個白沙灣系google map 睇好似好靚,睇地圖就要垮過個山先去得到…
今次Pauline 唔系香港,我就當探下路吧…

Screen-Shot-2014-09-17-at-11.20.50-pm

 赤柱其實好特別,1841年英國有記載話住係香港度既4280位
原住民入面既其中2000人就係住係赤柱,算係香港島最先開發的地方!

當日由赤柱市集經聖士提反灣出發,直入黃麻角道….

如果睇地圖中途會有一個入口,但係當日我試過上去,結果係無正路行,要就要爬石坡,
永遠都本著安全至上的原則,所以放棄了….

不過上左去就可以睇番整個聖士提反灣同赤柱,都是第一次從尼一個角度看下去 🙂

如果大家因為新巴14線,又或係城巴6A線而見到 “赤柱炮台” 為總站既牌而吸引到,
覺得唔知會有D咩特別野睇而又真系搭到埋站既時侯,你系會好失望,因為
赤柱炮台系位於中國人民解放軍駐香港部隊的赤柱軍營入面,屬於軍事禁區。是不能夠參觀的… 😦

斜炮頂入口就係黃麻角道尾,軍營大閘知前

上山的路都好明顯易行….

起點以經係100m 高,
個山177m 高山…. 77m, 35層樓高好快就到!

幅圖既右面就係去犀牛石同埋落白沙灣既小路,但係條路D植物生得太高太密了,
前路都睇唔清….都係安全至上,算了…完路折返,完成!

下次再來帶埋Pauline 同 Kannie, 咁Kannie 就上香港D山上得七七八八了 :)

大嶼山石壁,分流灘,二澳,大澳之旅 – Lantau Sek Pik, Fan Lau, Yi O, Tai O Hike!

話說水嘮嘈石澗比人改左個好靚既名,
叫做 Tai O Infinity Pool 之後就旺過旺角,
吸引起左我同Justin對於二澳同分流東, 分流西灘既興趣….
所以決定左今次既行程 🙂 !

今次條路其實亦即係鳳凰徑既第七同第八段,
全長 +-17km, 不停行快既要大概四個鐘,慢慢欣賞風景影下相飲下野既就6, 7 個鐘啦

今次都係由中環碼頭出發去梅窩,
實在怕東涌的巴士站,假日實在是太多人了….又船又巴士,去到石壁水壩站既
起點時以經 1:30pm 了…

起點的路平坦好走,就行快一點,等一陣可以多D時間嘆風景!

沿途風景好靚,和港島同埋西貢的風景又有另一種感覺

遠望索罟群島,其中一個大鴉洲就係以前越南船民羈留中心,而家個島以經無用了…
簡單search過好似無常班船去,但係有D友晟旅遊會搞團帶人去既,有機會一定會要參加睇下 🙂

沿途有好幾個瀑布,三十幾度可以濕條毛巾洗洗面實在太好了

瀑布下面有幾個水池,水很清…

行個零鐘就會見到分流路牌了

雖然行埋分流要多至少一小時,但係風景咁靚就咩都賺返晒啦!我地都勁high, 好想快D落去沙灘睇下,點知….

分流東灘多垃圾到爆!!

唔洗講,一睇D垃圾又係寫晒簡體字….點解!!

 

搵個位休息下, 因為驚中途無士多補給,買左D水果做snack…

然後就入分流村過去分流西灘再去二澳,就會見到陳記士多,
老闆係個本地退休消防員,很好人很健談,我地吹左15分鐘水,
了解梗多佢地的生活,寫意得很 🙂 最後得知出大澳要兩個鐘,亦會係啱啱好睇到日落,
咁我地就繼續行了

去到分流西灘,又見到陳記,haha, 成條分流村有四五個陳記既牌,
真係好唔怕搵唔到!分流西灘比起東灘乾凈多了,向西的沙灘應該是睇日落的好地方!

有個好似Pizza爐咁既野….

行去二澳時亦都開始日落了…

開始進入二澳…

——————————————————-
跟據 wikipedia   – 二澳村民為了所謂「復村」計劃,而破壞面積達三個維多利亞公園的自然森林,被環保團體攻擊,村民遂決定封村,禁止全民進入該區,因而二澳也被冠稱為「惡人谷」。
——————————————————-

佢地搞到條路好多分支,要小心一點 🙂

就係為左整尼個號稱香港最大既稻米田而要破壞咁大個自然森林,
說到底都係因為有班人想霸地啦…..

離開二澳,就係一條海邊既路去大澳,時間正好日落 😀 一直行就係大澳了

對面就係澳門,係度睇日落天色真的很美.

行到大澳了,
一點半行到七點半,17km, 行六個鐘好似好長但係一D都唔累,
風景好好,有山有水有田有水池咩到有…. 非常好玩的一條Trail!

大眾 VW Golf 6 ABS Sensor Fix 著abs燈

話說 VAG D車既ABS都有個通病,ABS sensor好易著燈話壞
懶既 HK$2000 番廠搞,識車房既大概 $1200 搞掂
Enjoy DIY 既 HK$50 ….

IMG_3255

一個ABS sensor, 搞到ABS 又唔work, ESC 又無,DSG 又出Code,
Hill Hold 又無咗…Golf mk5 以經有既問題,連累咁多野,點解唔整好佢架 -_-“

有得督電腦就最方便,馬上知道係邊一個sensor壞,
壞sensor 就好,壞abs鼓就勁麻煩了
今次好彩只係壞咗左後面果個sensor…..

IMG_4402 ABS sensor 通常都係brake 碟後面….

IMG_4397

係brake後面好明顯會見都個插頭加個5mm hex頭既野,果個就係個 abs sensor….

IMG_4406唔知頭唔知路要拆條電線都可以好翹手,希望幅圖幫到手啦

IMG_4401

就係佢!!  1K0 927 807
鐘意既可以買過個新既,
淘寶叫Golf 6 後輪速傳感器, $200有找

不過尼舊野其實就好難壞,入面應該都係舊磁石,
有咩好壞?!?! 去油站搵支 Brake cleaner 整乾凈佢就得!

08880-high-power-brake-cleaner-08880

再用之brake cleaner 喪噴個sensor 原本個窿…
會有好多好多黑色既汁液流出,好high的 😛

IMG_4400

再係咁二抹下個窿

IMG_4404

咁就搞掂!黎個Reverse steps, 裝返好個sensor,
15分鐘就得,後黎仲發現其實轆都可以唔洗拆,
有Can Bus 既就插電腦cancel個電腦error code,得左 🙂

Hong Kong Tai O Man Cheung Po Infinity Pool – 大澳 萬丈布 水澇漕石澗 路線

 八月終於開始我地既暑假!

要去大澳既infinity pool 講左好耐都因為估到 會花好多時間係搭車,一定要好早起身先去到…. 存在一定既難度 XD

趁今個星期日九點竟然醒左,望出個天靚到無得再靚, 咁就立即決定出發!

十點半就出門口搭十一點鐘中還 <-> 梅窩船… 係梅窩食個 lunch,  搭1號梅窩大澳巴士,頭站搭到總站 去到大澳都1:45pm!! 再要行 45mins… total 搞左 4個鐘先到!

真係好怕係東涌搭巴士,好多時都要排長龍…如果搭港鐵去…真係唔知要幾點起身先啱

還是喜歡搭船去玩 🙂

Screen Shot 2014-08-25 at 11.15.41 pm

點去? 跟住條紫色路線就係

個 infinity pool, 都好容易去,係大澳巴士總站後面既天橋一直入

以前既鹽田,而家變成濕地了

行10mins 到橋尾,繼續向右行…望住萬丈布牌行就啱

一直行就會見到二澳

 

跟住就會路過牙鷹角營地, 再行前小小就會有個上萬丈布既牌… 今次唔好跟住上!! 行石屎路,係石屎路,繼續向前行石屎路多5-10mins 下刪500行石屎路行石屎路行石屎路行石屎路行石屎路行石屎路行石屎路行石屎路。。。

二澳真的很靚 🙂

跟住就會見到上面lee 條樓梯,啱喇,160m高山石澗等緊你!

見到間藍色既水務處屋,無行錯路了 😀 再行多15 min 就到了!

快到了快到了…;)

360 View HERE!

玩到五點幾,需然個池地方唔係好大, 但係浸係冰涼山水之下太舒服時間過得好快… 不過唔想咁遲去食飯, 又唔知巴士站多唔多人,所以都乖乖起程 🙂

長沙都算係半路,我地決定係長沙食埋飯先走 😉 終於無再食Stoep, 試下係長沙下村既長沙小廚…… 唔食地中海菜食下泰國菜都不錯,一樣open air 對住個海, 亦都係一個好選擇!

來個Review, 大澳萬丈布水澇漕石澗 —————————————————- 3.8km 單程,來回7.6km 高160m,大概60層樓高吧

路程不會太難,應乎到一般香港行山徑既應該都無問題, 夏天去玩實在一流,山水十分清涼,風景極美, 如果多D人一齊去再係大澳食大餐是完美呢 😛 —————————————————————————–

中還 <-> 梅窩船期 http://www.newlantaobus.com/road_1.htm 1號梅窩<->大澳巴士時間表 http://www.newlantaobus.com/road_1.htm

Moist Banana Cake

上回講到 make cake 唔係我最鐘意既事,
而咁啱 Pauline 就最鍾意整蛋糕…咁就好了

今次係一個香港好有心既youtuber – Bobsyouruncle1981 教簡單又易整既
Moist Banana Cake 香蕉蛋糕
IMG_2811

齋食蛋糕我就真係好一般,
但係一有杯 black coffee 係手時,
果件蛋糕即刻變得好重要!
而Moist Banana Cake 真係好夾咖啡既蛋糕 ❤

 ——— Recipe from bobsyouruncle1981 ———

 Bananas x 4
Unsalted Butter x 100gram
Salt x 1 table spoon
Baking Soda x 1 table spoon
Eggs x 2
Plain Flour x 300gram
Sugar x 150gram (Reduced 50gram from Bob’s recipe)
Milk x 80ml
vanilla extract x 1/2 table spoon

180 degree to bake for 40-50 mins
(to place a cut on the at @15mins…to allow the cake to rise nicer)

IMG_6369

————— More Information —————-
Bobsyouruncle1981 Facebook

光波爐意式燒雞

其實好多時整野食都好想用blog記低佢,
但耐何我整野食都係以快手攪掂為首要目的…
又要靚又要映相真係米攪我

除左蛋糕類食物要份量好準先成功
而亦都係因為咁我唔係咁享受整蛋糕既原因…

以下 Recipe 份量隨意吧…

IMG_4187

———— 材料 ———-

雞一隻,去頸去屎彿
McCormick Perfect Pinch Italian Seasoning
Olive Oil
Worcestershire sauce
1/3 Lemon Juice
Bay Leaf
Black Pepper
Crushed Red Pepper
Salt

全部野醃隻雞兩個鍾或以上

放入光波爐200-220度先燒下面
20-25mins 直至感覺上7-8成熟…
然後反轉220度燒雞背15mins直至有個靚既燒雞樣

攪掂之後rest佢10 mins 先好食,包juicy包好味的!

Main Street Corner Cafe – Disneyland Hong Kong

香港迪士尼去過六次了,酒店都住過兩次,要玩既都玩過晒,
但就係未試過晒成個公園入面既餐廳….所以今次去就主要鎖定間
Main Street Corner Cafe – 大街餐廳試下出名的Coca Cola 餐!

Corner Cafe 就係大街,以前兩度想去試,
但係一唔係排晒長隊就係時間唔夾,今次六點半就去到餐廳,七成滿,
都仲有得揀坐玻璃屋果面 😀

作為一個可樂氣水  病患者  迷,
我就點了一個 Coca Cola set, 有帶子沙律頭盤

燴牛頰伴可口可樂燒烤汁配薯蓉及烤雜菜

Pauline order 既 Sustainable seafood of the day,
比目魚,Halibut,又即係大陸既多寶魚….

最後有我地去呢間野既目的之一既:
Disneyland Coca Cola Cream Brûlée  –  可口可樂焦糖燉蛋配鮮雜錦草莓

不是食家,(要睇食評openrice大把)味道是可以的,
但係一個會格價既人黎講….今餐飯 $250/head 就非常非常非常非常的一般了,
我們還是喜歡皇室宴會廳那種氣芬 🙂

——————————————————————————————————————
是日其它花絮。。。

Pauline with her favourite pair of shimmering coral Vans!

Pauline 喜歡的 Mad Hatter’s Tea Cup…!

其實我好怕轉的,係我身上真係會好好好work, 落左地都會頭轉轉一輪的,
但係每次都見佢都勁開心就會自動陪佢一齊玩了 😉

食到我地都喜歡既churros 🙂
我硬係覺得Churros係要係theme park入面食先至開心過癮

Hahaha, 有得攬實我最喜歡的Disney character 😛

同埋成日整蠱我地既Goofy

新既Toystory land 夜晚更靚

最後比我搵到Pair 會 face hug 既Mickey and Minnie!
二話不說即刻買 😀 😀 😀

鴨脷洲玉桂山! Ap Lei Chau Mount Johnston Hike

話說上次去o左玉桂山側邊既玉桂山副山
係一個好奇怪既小山丘,矮矮既但係就有4支三角測量柱…..
望住高D既玉桂山主峰同埋果個連住鴨脷排兩個島既小小沙灘,
好似好好玩咁就一直等緊機會去…..

今次趁復活節四日假夾啱潮退就決定去睇睇玉桂山,
順便去埋鴨脷排睇下係點樣啦。。。

上網搵好晒資料,玉桂山196m高,
同行慣晒既山頂4百幾meter矮好多
心諗應該好容易啦……點知………@@!!

要泊車就可以係利景街泊錶位,
果頭多得新海怡廣場D人亂泊街,
其它位六日抄牌抄得好勁好勁好勁的…博不得

起點同上次一樣,係鴨脷洲香港駕駛學院對面上去配水庫,一直行上到尾…

然後左面就有條小路上山,唔係Offical trail,
但係條路都行得好明顯下,好難蕩失路既

起初都好地地,條路好多碎石但係唔算太斜….ok既,ok既

點知行左一陣就見到條繩….心諗大鑊了
同Pauline仲要帶住兩隻狗…..Kannie 都還好,唔洗拖繩,
Tate全程真係要on leash, 分分鐘成隻狗飛返落鴨利洲利東村 :S

條路真係好彩有好心人整好條繩,如果唔係好難行,好斜好危險

睇下Kannie就知有幾斜,45度泥沙路真係多得條繩咋….
好surprise今次Pauline無鬧我搵條咁既路比佢,
不過我個心就一路爬一路驚落山點算 😛

196m 高山其實真係唔係好多路行,
不過爬泥沙路要小心翼翼就用左我地一個鐘頭咁上下時間啦
又儲多支三角測量柱相 😀 香港島既collection其實以經儲得八八九九了.

dtVZcj_crop

印像中好小地方會比我見到晒成個南丫島

上到玉桂山山頂,就要落番山去鴨脷排,起初落山既路都ok,
落左一半之後又見都條落山繩!!

雖然好想去鴨脷排睇埋個燈塔, 但係心諗…算了,
帶住兩隻狗真係唔容易,都係回頭番上去慢慢落山,
下次無帶狗先去:)

見到D貨船排住對咁入香港,條航道好整齊

落山路真係比較難,好彩有條繩,D狗個樣都好迷網…

今次上玉桂山真係有D似rock climbing 咁,
無條繩揸住真係會跣落山死得!! 而最surprise 既係 Pauline竟然話好玩,
仲記得第一次上難度底一級既大金鐘時差唔多喊出黎,
睇黎佢既行山skill真係進步左好多了 😀

珠海御溫泉 Zhuhai Yu Hotspring – Part 3

唔知係唔係因為之前一日浸過溫泉,
果晚勁好瞓,一瞓就十個鐘,起身就食晏lu!

去左御食坊,叫左咕噜肉同埋一個黃金焗南瓜,
兩碗白飯,RMB$90.  味道不錯!

食完飯,兌換返之前換多左既通寶之後….

我地就比一陣士多啤梨香味吸引左出去!

原來係御溫泉出面就有幾個士多啤梨園,
RMB$20/kg,好平!所以我地都玩左陣

返黎果程買左豪華船飛有野食….

返到屋企整左個Fresh whipped cream 點D strawberry, 超級好味!

——————————————————
總括黎講今似既珠海御溫泉Trip都係想像中好,
可能係因為係Target香港同澳門人多,所以地方都好乾凈,
差唔多所有員工都係講廣東話,好有禮貌 :)

作為一個carefree weekend getaway,
如果有人問我的話我是會推薦的。
——————————————————

珠海御溫泉 Zhuhai Yu Hotspring – Part 2

食完飯,係時候用埋D免費既游藝卷….
個 Package開始時包十張卷….

見到有得玩大細,睇下Pauline幾開心 XD

但係比賭神Pauline玩大細一轉手變左四十張卷!

老番Angry Bird…hahaha

最後我覺得尼個最易玩,玩左十幾鋪 XD

最後贏左75張票!!

換左隻免費立筆小新同埋一袋夾…hahahaha

唔想玩既話,有 live band,
可以飲酒食煙睇聽歌睇電視

返返間房,竟然變左關宅!

珠海御溫泉 Zhuhai Yu Hotspring – Part 1

年底 + 新年真係忙到傻,
想周圍行下又無咩頭緒去邊好….
見又一段時間無同Pauline出去見識中國
又行過永安旅行社,問個Agent兩日有咩好做,
就俾推介了在珠海斗門既御溫泉渡假!

成個Package 連1)來回船飛連 2)來回巴士 3)一晚酒店
4) Unlimited溫泉 5) 遊戲卷 6) 早餐價值….價值$1800
去就去啦,無眼睇 XD

—– From Wiki —-
御溫泉當地原來是一片禾田。根據當地村民述說,那一片禾田的產量一直都很差。有一天,禾田突然下陷,並且冒出熱水,掉下去的耕牛還被熱水燙死了。不過當時村民並不知道那就是溫泉,只是把那個突然冒出來的熱水泉口稱作“熱水湖”。到了1990年代,才有人告知他們那其實是溫泉,並根據當地名稱取名為斗門溫泉
———-

九點半船,70分鐘去到珠海九洲巷,行去右邊有御溫泉既旅遊巴,
再坐60分鐘就到,係旅遊巴上會有人同我地做埋check-in
全程唔洗諗,細心方便 🙂

去到但係酒點房未ready, resort入面周圍行下食lunch吧…
御溫泉成個地方到裝修得很好

御溫泉有兩間酒店,御瀛莊同雲來客棧
雲來客棧比較新,比較適合一班人去,但係就要行多少少路
御瀛莊就高級少少近溫泉少少,所以今次就揀左御瀛莊….

之後我地就去左個溫泉,無相睇係因為唔比帶相機嘛
個溫泉總供有三十幾個池,地方亦都乾淨,
不時有人serve 你茶水,生果咁

玩到夜晚就出去大街搵野食啦

夜晚既大街更靚,更似古代

係大街,為左要買野就要換通報,一個RMB$5.
因為由於渡假村目標客人係港澳居民,
所以渡假村內的價格都同香港差唔多,唔平唔貴咁啦,
我個人覺得都算ok 既

見D蜆好靚,好似係7個通寶,即係RMB$35…

坐底係大街食,係一間叫肥仔燒烤既野叫左燒牛,羊,魚,雞翼,矮瓜
再叫左碗凈雲吞同菜,晚餐搞掂!

孖崗山 – The Twins

由孖崗山望落赤柱非常開陽舒服 🙂

為左要同Kannie去晒香港既山,
今次去既就係孖崗山!

今日年初四好熱,帶住Kannie係香港仔無咩野可以食,
我同Justin就決定快快手買個飯盒去淺水灣食就算 😛

大年初四有得去淺水灣游水晒太陽真係好似未試過…
而我地就搵達地方望住個沙灘食我地既飯盒 !

 

上孖崗山有兩個大路方法,一係由赤柱馬坑上一係由淺水灣南灣坊小路上。

就因為淺水灣南灣坊可以泊車做起點,比起由赤柱泊車方便,
咁我地就從淺水灣坳上衛奕信徑,
上第一個 363m 既孖崗山然後再去另一個 386m 既孖崗山,
然後落返去孖崗山引水道行返去南灣坊。

Screen Shot 2014-02-04 at 9.51.51 pm

全程 6-7 km.

就係係南灣坊尾有條路上衛奕信徑。

一直上就係引水道,轉左行一陣就係淺水灣坳…

有路牌去赤柱峽道…跟住行就會上到孖崗山係!

馬上就見到 950-1000級樓梯,D梯級好高,所以感覺上比起上西高山難少少

話咁快就到孖崗山第一個山頂。。。梗係要同Kannie影張相啦
(佢 lay 埋左入D草度!)

跟住就直行去埋另一個386m峰

當然要同Kannie影多張相啦

跟住就望住赤柱落山,條路非常開揚,23度有太陽又有風
非常舒服!

孖崗山觀景台

見到引水道就行返去南灣坊了

沿途見到龜背灣, 淺水灣等….

全程花左3個鐘,花左好多時間係度睇風景,如果快行的話兩個鐘就可以了 🙂

大澳遊 + 東方小祇園

話說呀媽同佢D個Friend食過係大澳既
東方小祇園之後,佢地就好鍾意帶朋友去大澳食間野隻雞,
今次Pauline媽同Pauline爸係香港,老媽就offer話帶佢地去行下,
實行有得食有得行黎行去打發時間!

—– 地址 —–
東方小祇園
大澳南涌14號

—– 點去 —–
由東涌搭11號巴士去到站尾,
然後行返轉頭一個路口轉右直入跟住東方小祇園既牌行就係

東方小祇園係灣仔同大澳都有,但係係大澳尼間野係有肉食既,
而人客亦都可以外帶海鮮叫佢地整,老豆話佢地亦都做得好好。

Pauline + Pauline媽於東方小祇園門口

就係尼隻鹽焗雞雞,山長水遠入黎食,
真係整得好好食,真係增加左入大澳既Excuse.
真係好,入大澳又多一個原因了。

今年年初三好好天,無咩雲無咩污染。南天白雲好難得。

再係大澳行下行下就一日了

話咁快就天黑,天氣清就連黃昏都靚到無輪!

深圳野生動物園 – Safari Park Shenzhen

因為Pauline之前有個長假,因為Groupon有 HK$79 去一個我地未去過既動物園,
有機會去動物園我地點會miss 左個 chance 呢!

— 點去 ? —
經羅湖搭深圳地鐵去大學站再搵的士/巴士好易就到。

唔知係唔係因為係平日,所以唔係好多人,地方都好意想不到咁好闊落乾凈

每日到有幾個 animal show, 我地只manage睇到一個show, 好多小學生

大家留意一下以下長黑熊出嫁圖…..

Continue reading