珠海御溫泉 Zhuhai Yu Hotspring – Part 3

唔知係唔係因為之前一日浸過溫泉,
果晚勁好瞓,一瞓就十個鐘,起身就食晏lu!

去左御食坊,叫左咕噜肉同埋一個黃金焗南瓜,
兩碗白飯,RMB$90.  味道不錯!

食完飯,兌換返之前換多左既通寶之後….

我地就比一陣士多啤梨香味吸引左出去!

原來係御溫泉出面就有幾個士多啤梨園,
RMB$20/kg,好平!所以我地都玩左陣

返黎果程買左豪華船飛有野食….

返到屋企整左個Fresh whipped cream 點D strawberry, 超級好味!

——————————————————
總括黎講今似既珠海御溫泉Trip都係想像中好,
可能係因為係Target香港同澳門人多,所以地方都好乾凈,
差唔多所有員工都係講廣東話,好有禮貌 :)

作為一個carefree weekend getaway,
如果有人問我的話我是會推薦的。
——————————————————

Advertisements

珠海御溫泉 Zhuhai Yu Hotspring – Part 1

年底 + 新年真係忙到傻,
想周圍行下又無咩頭緒去邊好….
見又一段時間無同Pauline出去見識中國
又行過永安旅行社,問個Agent兩日有咩好做,
就俾推介了在珠海斗門既御溫泉渡假!

成個Package 連1)來回船飛連 2)來回巴士 3)一晚酒店
4) Unlimited溫泉 5) 遊戲卷 6) 早餐價值….價值$1800
去就去啦,無眼睇 XD

—– From Wiki —-
御溫泉當地原來是一片禾田。根據當地村民述說,那一片禾田的產量一直都很差。有一天,禾田突然下陷,並且冒出熱水,掉下去的耕牛還被熱水燙死了。不過當時村民並不知道那就是溫泉,只是把那個突然冒出來的熱水泉口稱作“熱水湖”。到了1990年代,才有人告知他們那其實是溫泉,並根據當地名稱取名為斗門溫泉
———-

九點半船,70分鐘去到珠海九洲巷,行去右邊有御溫泉既旅遊巴,
再坐60分鐘就到,係旅遊巴上會有人同我地做埋check-in
全程唔洗諗,細心方便 🙂

去到但係酒點房未ready, resort入面周圍行下食lunch吧…
御溫泉成個地方到裝修得很好

御溫泉有兩間酒店,御瀛莊同雲來客棧
雲來客棧比較新,比較適合一班人去,但係就要行多少少路
御瀛莊就高級少少近溫泉少少,所以今次就揀左御瀛莊….

之後我地就去左個溫泉,無相睇係因為唔比帶相機嘛
個溫泉總供有三十幾個池,地方亦都乾淨,
不時有人serve 你茶水,生果咁

玩到夜晚就出去大街搵野食啦

夜晚既大街更靚,更似古代

係大街,為左要買野就要換通報,一個RMB$5.
因為由於渡假村目標客人係港澳居民,
所以渡假村內的價格都同香港差唔多,唔平唔貴咁啦,
我個人覺得都算ok 既

見D蜆好靚,好似係7個通寶,即係RMB$35…

坐底係大街食,係一間叫肥仔燒烤既野叫左燒牛,羊,魚,雞翼,矮瓜
再叫左碗凈雲吞同菜,晚餐搞掂!

潮州旅遊 – Chaozhou Travel (Part 5 of 5) – 潮州夜市,潮州交通,潮州長途車站

新橋路我估都係潮州市夜晚最多野行既街,好多鋪頭都開到十一點。。。

真係亂咁黎,成架車揸左上行人路,
最勁係連個司機都好似唔知點解自己架車會揸到上行人路咁,
勁迷網咁既樣, 死唔死 -_-“

試左個好好味既肉鬆蛋餅,可以自己試下整呢

潮州粥,都算係出名吧,不過我又係唔敢試 😛

Ditto 迪圖。好名好名!

有陣時真係會覺得中國人好有創意

潮州長途車站就係潮州賓館對面,好易搵的

搭三輪車真係好方便

返香港果程我地無搭粵港巴士,原因係佢地得一班車,班車每日開7am,
太早了,所以就決定一試搭內陸長途車,由潮州去深圳羅湖, 每日三班,RMB$140

又係400km, 80km/hr, 5個幾鐘就到深圳羅湖
大陸長途巴士比香港既過境巴士新,行車時有兩個司機亦都更加安全!

今次潮州之旅終算係了結左我同Pauline既一個問號,
潮州,汕頭,汕尾甚至普寧都了解多咗:)
下次就向福建出法了。

潮州旅遊 – Chaozhou Travel (Part 4 of 5) – 胡榮泉,牌坊街,廣濟橋,開元寺,潮州特色小吃

去完西湖,我地決定行去牌坊街,順便感受一下潮州細街會係點樣一會事

然後就行到去牌坊街尾既胡榮泉食店應該係全潮州市最多遊客去既食店了,
出名既有鴨母稔,春餅,綠豆餅等等

—— From 百度 ——

鴨母捻潮州傳統名小食,首創於清代初年,原名為糯米湯圓,類似於北方的湯圓,但潮州叫“鴨母捻”其實是取它的形狀像母鴨在水上漂浮游蕩的意思。它與湯圓不同的地方在於它的外形,比普通湯圓稍微大一點,沒有全圓的形狀而是有了一個小角,這就是“捻”的效果,也使其更形象的按上了此名。鴨母捻加上鵪鶉蛋、銀耳、蓮子、百合、白果、綠豆等配料,一碗小甜點,應有盡有。
————–

啡色果粒係咩野?? 原來就係鵪鶉蛋,唔知點搞搞到啡色,
食落有D似鐵蛋咁,到幾好味既,成碗野都十分清甜好吃。

————-
另外我地仲試埋個春餅(上面幅圖後面果碟),
其實好似香港既春卷,不過D餡就唔同,
大舊D同好似有D綠豆蓉係入面,外脆內綿咁

後黎再係試左佢地既雲吞,成碗野有齊豬肉丸同一D豬潤,肉片係入面
都好味既,不過個味我都整到啦,一試無妨既 😛

係食碗雲吞時巧遇到一個新加坡既導遊,
佢介紹話隔離有間賣「笋粿」既都好好味,「笋粿」亦即係香港人叫既潮州粉果….

大大隻,味度都不錯既,只係多油了一點罷

又跟住條牌坊街行,見都有好多間都買花生糖 (無錯,又係花生糖)
同埋一種叫腐乳餅既野,RMB$1.5舊就試下啦……

點知…..好難食,對唔住….真係好難食….腐乳通菜真係好味,
腐乳整餅就真係好難頂

再再再行落去,今次見到 Pauline細個好好好鍾意係新加坡食既咸水果,
我地又點會不試呢?

—– 又係from 百度 —–
咸水果相傳在潮州流傳至今已有幾百年的歷史。咸水粿形狀小巧玲瓏,像隻厚厚的小碟,很潔淨的白色。中間有個凹下去的地方,可以盛著加了辣椒醬、蒜蓉一起爆香過的潮州特產菜脯粒。冷冷的粿加上熱熱的菜脯,交織出特別的口感,粿滑潤柔軟,菜脯味芬芳咸香。很獨特的味覺感受。
—————-

RMB$5 – 有大概20舊,百色既係好似用米槳做成既細碗仔,
暖暖地,有米香,再加上潮州菜脯粒,鹹鹹香香好好味,
第一啖食有D怪,但係食第二舊時我都以經愛上了!

見到個牌列出晒出名既潮州小食,係蠔煎我驚死唔咁食,
其它野我地都算試得七七八八喇!

再行過去廣濟橋睇下,

—– 又又又 係from 百度 —–
廣濟橋為古代閩粵交通要道。
與趙州橋、洛陽橋、蘆溝橋並稱“中國四大古橋”,
為中國第一座啟閉式浮橋。
——————-
網上普遍都話就咁睇過就夠,不太值得比入場費入去睇。
我地興趣亦不大,拍個照就夠了

再跟手睇埋個俾喻為「全國佛教重點寺院」既開元寺

360 View 1 Please Click
360 View 2 Please Click

牌坊街有無數個牌坊, 連史柱牌坊都有 XD 真係贏晒!!

係最後先見到有lee D 四輪車租!!激死!! 一早見到我一定一定一定一定一定一定一定
一定一定一定一定一定租!

成個地方就應該最啱旅行去,有景點有野食,
全部都行得到,唔洗走黎走去呢 🙂

潮州旅遊 – Chaozhou Travel (Part 3 of 5) 鎮記老尾牛雜粿汁,潮州西湖

潮州食品其實好多好, 但係係潮州市入面
好多食市都係路邊野咁樣,真係唔係好敢去試…

環城西路西湖公園斜對面既鎮記係我做research入面好多人都會提及
既一間”老尾牛杂” (鹵味牛雜), 我地見咁近西湖公園就一於去試下啦

去到一見到都算衛生乾凈,就放膽一試啦!

鎮記老尾牛雜無餐牌,要叫野食就要去攞張牌,搵個位坐底再等佢地叫你張牌個號碼,
然後就可以上去個爐頭前面,點你要既麵同埋要咩牛肉同牛雜,

價錢就唔理你要咩,細碗RMB$15,中碗RMB$20,大碗RMB$25

Pauline就要左碗咩都要既粿汁,我就要左碗凈牛肉牛丸米粉

潮州牛丸果然不同,唔怪得咁多人讚。
有緣去到潮州真的要一試

食完就去左潮州西湖參觀下

又點會少得坐船活動呢

公園入面有個小形動物園,可以話係我地去過最sad既一個動物園
地方細,D籠直頭係迷你形,細到不知所位,D動物一定不好受!

猴子就係困係一個咁細既籠入面 😦

咁大隻黑熊就係困係一個咁細既籠入面….好慘!!
如果有什麼方法可以救佢哋的話我一定會出力呢

潮州旅遊 – Chaozhou Travel (Part 2 of 5) – 新橋路,三利街

潮州賓館就係潮州市最旺既新橋路後面,
地點非常方便,可以話係旺中帶靜既地點

我地安置好行理之後,九點幾鐘先開始出去搵野食,
發然新橋路大部份鋪頭到開到十一點,好似香港咁

又發現潮州市有好多花店生果店,亦因為好近台灣,
感覺上都有少少似台灣

新橋路,三利街一帶有好多買衫既鋪頭,應該係最潮州最新潮既地帶

路邊有好多好多好多賣食野既路邊小販。。。
但係衛生真係有D驚,我地唔係本地人真係唔敢亂試,
應該錯過左好多好多野呢!

潮州旅遊 – Chaozhou Travel (Part 1 of 5) – 交通,潮州賓館

其實由細到大到身邊都有唔少潮州朋友,
令到我係無論食物或者系佢地既潮州文化都非常好奇

但係無奈要搭長途車去潮州真係一D都唔容易,又唔識路
又唔識聽,今次多唔少係頂硬上試下自由行啦
——————————————————————————

香港去潮州真系一D都唔簡單,離開香港400km 左右,
交通只有火車同埋長途巴士….我地由香港島發,
經過研究,由香港去潮州選摘有三…

•  1) 火車   •
如果搭火車要我地先要花時間過關上深圳,
仲要花時間等火車停站,
之後計過加加埋埋D時間可能要成 9-10 個鐘 😐

•  •  2) 深圳搭長途巴士  • •
都系要自己先上深圳,當時又唔知點樣買票都系算了

• • •  3) 香港搭長途巴士  (HK$180 /pax) • • •
從香港出發去潮州就只有
粵港汽車運輸聯營有限公司
由九龍出發,一點三由紅磡出發經沙頭角去
汕頭,然後落一次客就再去潮州市

全長420km, 1:15pm 係紅磡體育館上車,
7:30去到汕頭市,8:15pm 就去到潮州市橋匯大酒店
(亦即係潮州市中旅社門口)落車。
七個半鐘會落三次車,1) 過香港關,2)入深圳關,3)再加個休息厠所位

Screen Shot 2013-12-15 at 11.51.12 am

中途休適站,有恐怖廁所有D野食咁啦


Click for the 360 of one of the rest stop in China!

經過普寧市, 如果唔係有隻普寧豆醬
真係唔會留意佢,唔會知咩係普寧吧

七點幾去到汕頭,係公路原本左同右邊都係黑黑色既農天
特然知間見到高樓大夏,對於我同Pauline呢個城市人
安全感真係番晒黎

再過多一個鐘就真係到潮洲市,係潮州市既酒店/旅館/賓館 真係唔多
我驚死就揀左尼間全潮州最貴既,HK$450一晚only
http://www.chaozhouhotel.com

潮州人真係好鐘意飲功夫茶,成set茶具放係間房到呢

雖然全車程需要七個鐘,
但係上車落車食下野睇下野聽下歌又唔會太悶,
總括黎講新鮮感搭夠吧!