大嶼山石壁,分流灘,二澳,大澳之旅 – Lantau Sek Pik, Fan Lau, Yi O, Tai O Hike!

話說水嘮嘈石澗比人改左個好靚既名,
叫做 Tai O Infinity Pool 之後就旺過旺角,
吸引起左我同Justin對於二澳同分流東, 分流西灘既興趣….
所以決定左今次既行程 🙂 !

今次條路其實亦即係鳳凰徑既第七同第八段,
全長 +-17km, 不停行快既要大概四個鐘,慢慢欣賞風景影下相飲下野既就6, 7 個鐘啦

今次都係由中環碼頭出發去梅窩,
實在怕東涌的巴士站,假日實在是太多人了….又船又巴士,去到石壁水壩站既
起點時以經 1:30pm 了…

起點的路平坦好走,就行快一點,等一陣可以多D時間嘆風景!

沿途風景好靚,和港島同埋西貢的風景又有另一種感覺

遠望索罟群島,其中一個大鴉洲就係以前越南船民羈留中心,而家個島以經無用了…
簡單search過好似無常班船去,但係有D友晟旅遊會搞團帶人去既,有機會一定會要參加睇下 🙂

沿途有好幾個瀑布,三十幾度可以濕條毛巾洗洗面實在太好了

瀑布下面有幾個水池,水很清…

行個零鐘就會見到分流路牌了

雖然行埋分流要多至少一小時,但係風景咁靚就咩都賺返晒啦!我地都勁high, 好想快D落去沙灘睇下,點知….

分流東灘多垃圾到爆!!

唔洗講,一睇D垃圾又係寫晒簡體字….點解!!

 

搵個位休息下, 因為驚中途無士多補給,買左D水果做snack…

然後就入分流村過去分流西灘再去二澳,就會見到陳記士多,
老闆係個本地退休消防員,很好人很健談,我地吹左15分鐘水,
了解梗多佢地的生活,寫意得很 🙂 最後得知出大澳要兩個鐘,亦會係啱啱好睇到日落,
咁我地就繼續行了

去到分流西灘,又見到陳記,haha, 成條分流村有四五個陳記既牌,
真係好唔怕搵唔到!分流西灘比起東灘乾凈多了,向西的沙灘應該是睇日落的好地方!

有個好似Pizza爐咁既野….

行去二澳時亦都開始日落了…

開始進入二澳…

——————————————————-
跟據 wikipedia   – 二澳村民為了所謂「復村」計劃,而破壞面積達三個維多利亞公園的自然森林,被環保團體攻擊,村民遂決定封村,禁止全民進入該區,因而二澳也被冠稱為「惡人谷」。
——————————————————-

佢地搞到條路好多分支,要小心一點 🙂

就係為左整尼個號稱香港最大既稻米田而要破壞咁大個自然森林,
說到底都係因為有班人想霸地啦…..

離開二澳,就係一條海邊既路去大澳,時間正好日落 😀 一直行就係大澳了

對面就係澳門,係度睇日落天色真的很美.

行到大澳了,
一點半行到七點半,17km, 行六個鐘好似好長但係一D都唔累,
風景好好,有山有水有田有水池咩到有…. 非常好玩的一條Trail!

渣甸山 + 小馬山 + 畢拿山

今個星期Pauline 同 Karen 去整蛋糕,
我就同好耐無見既Justin去行,見咁耐無見,
就不如搵個新地方去吧!
起初只係諗住上渣甸山再上小馬山,上網睇要兩個鐘,
結果我地只係用左一個鐘,最後決定上埋畢拿山再落大潭水塘
行返去個路邊停車場。總共行左三個鐘,上左三個山頂,收穫非常豐富!

—– 點去?—–
大潭水塘道,陽明山莊入口,路邊停車場旁睇路牌就上上上上…

Screen Shot 2014-01-19 at 9.20.50 pm

路牌話要3/4小時上渣甸山….

結果我地用左15分鐘就到達了

個 lookout area 望住大坑/北角,同平時見開中上環個景觀好唔同 🙂

繼續行,就見到個石礦場,睇到好似有人係到拍緊戲,見到有架車反轉左

一直行行左條shortcut, 搞到又要爆林,D草生到人咁高 XD

然後就接返衛奕信徑就會搵到小馬山三角座標

見有時間就上埋畢拿山吧,就係前面個尖尖,
到時落大風坳就可以行水塘返架車度,唔洗行回頭路了

畢拿山三角網測站又係人山人海

大風坳

大潭水塘

5:50pm 返到起點 🙂

同Justin講起今年要繼續努力減肥,佢要減成30lbs,
我?? 肥又係138lbs, 瘦個期極其量都係130lbs,
減30lbs 肯做運動好容易減得到
我要減8lbs -_-” 其實好難….

鳳凰山山頂 – Lautau Peak Trail

鳳凰山頂其實都上過三四次,每一次都好遺憾無得帶埋Kannie 上去,
要帶一隻狗去大嶼山真係唔係咁容易,要搭車就以經唔系話去就去,仲要事前plan定知道會有咩地方帶得狗呢

以前去會泊系citygate, 但後黎發現原來松滿路有個露天停車場仲近,點知原來松滿路好少的士會入去。
要call 的士先有車。停車場會有的士台電話提供。

幾經艱辛先搵到架的士…..到達伯公坳起步上山!!!

一直行一直行,次次上鳳凰都系十一十二月,次次都勁大風

934m鳳凰山頂! Kannie上過最高既山!可能因位天氣涼,佢竟然全程無坐底休適過!!

石壁水塘,香港第三大既水塘

Click the picture above for the 360 view!

得一條路落山去昂平,無得行錯

帶住隻狗就系咁,預左會無啖好食就無問題 XD

再參觀埋昂平就好快天黑,原本plan左行埋條昂平360救援徑出東涌都cancel了,改搭的士出去,好彩早前有call record, 今次出東涌$150生意,好快有車了

—點去?—

東涌松滿路露天停車場$6/hr泊車 -> 大嶼山的士($50)上佰公坳 -> 行兩小時(1000 calories)多到達鳳凰山頂 ->  45min (400calories) 落昂平 -> 大嶼山的士出($150) 東涌松滿路露天停車場!

 

西高山點去 – Hong Kong West High Mountain Guide 路線

真係好喜歡西高山。
除左因為除左對我黎講好放便之外又
夠晒多梯級做運動同時又風景美麗…一舉多得!

但係去西高山從來都無路牌,
實在見過太多人問路,所以今次試下寫得清楚D睇下幫唔幫到大家啦

講話山頂行個大圈好多人多知係邊,而果條路就係盧吉道…
西高山既入口就係盧吉道/克頓道/夏力道交滙之處
係果度係會有一個好靚既休憩亭….休憩亭既左面會有一個唔起眼既入口…
一直入一直入之後就會係最尾左手面有一條長長既樓梯,800-900級,上到頂後就係西高山頂!

Screen Shot 2013-08-14 at 9.35.37 PM

IMG_4326Click the picture to view the stunning 360 View!

西高山亦都係影日落既好地放,但係要小心天黑落山
帶足夠照明應該都無咩問題既

由薄夫林出發,我地就會徑龍虎山徑上山頂,
沿途有花園有河流,今日好熱起碼32度, Kannie一見度條河就勁開心!

點解咁開心?? 玩水囉!

玩完水就行上西高山,左面好多塔既就係552m高既扯旗山(太平山)

玩完就落山返屋企lu

新加坡東海岸公園踩單車 Singapore East Coast Park Cycling!

新加坡East Coast Park 係新加坡東南面一個沙灘公園,
係新加坡人喜歡去戶外做運動既好地 🙂  東海岸公園有8.5km 長既單車徑, roller-blade 緩跑徑,網球場, 釣蝦場, golf driving range, 食市, 游水, BMX場, Jet Ski…..咩都有得玩 🙂

今個星期日我地就去Roller blade 同 cycling!

Shiro 專車….如果去食飯帶埋尼架trolley真係一流地方便!!

出發了!

我深信狗就算坐車都會認得路…Kannie 同 Shiro 都好叻認路!

Shiro 真係好識歎

我地係 Cycle Max 租單車,
1018 East Coast Parkway, Pat 話佢地開到十一點都有得租!

成隻草泥馬咁望主Pauline租車!

Shiro 真係好乖, 佢坐係車頭如果佢唔定真係會好難揸

Pauline 同 Pauline 爸就 Roller blade…

個BMX Park好似好好玩

Bedok Jetty 係新加坡最長既釣魚碼頭

一路玩到sunset就去食晚飯lu

我們的環保素食開始了 ;)

自從住得近中環碼頭就有個咁既習慣
就係一有時間就會搭船周圍去, 南丫島對上一年都去左三四次了,
星期六朝早出發有個好處就係少人, 20幾分鐘船就可以遠離城市, 多寫意!!

雖然屋企有做分類回收, 但環保唔只係用少D水電,
recycle 下物料 🙂 我地決定一星期最少一餐食素, 畜牧係世界污染既
其中一個重要原因, 食少D肉類對自己同世界到好呢!

南島書蟲cafe可以一邊看書,一邊進食的特色餐廳。
食物以天然有機蔬菜為主,適合素食者,而且環境寧靜,是
一個消磨時間的好地方!

南瓜扁豆湯好味

唔記得叫咩既 vegetarian lasagna

Pauline既 Brunch – Avocado fried egg…bla bla bla 🙂

$180兩位。唔食肉真係會好舒服 🙂
希望可以比Pauline (一位超級carnivore)
一個好好既開始la  🙂

食完 飯又off track 亂行, 去左榕樹朗
off the common trail 對我黎講會有好多新鮮野睇,
亦係帶Pauline睇多D香港既好方法 😀

唔亂行到唔會知有條村叫大坪舊村….好多舊建築呢

有隻Abercrombie野係度…

More interesting facts:
Vegetarianism and the Environment 

南島書蟲 地址
—- 南丫島榕樹灣大街79號 —

Andrew’s Photo Album

大埔滘特別地區

大埔滘特別地區係香港最早的一個自然保護區,
其主要特點是保護大自然景物,作為觀賞及保育用途。

 自1977年開始保育, 時間長所以四周樹木都生張得非常茂盛,
特別多野睇特別多野影

Screen Shot 2013-04-29 at 11.16.36 AMGoogle Map Direction

泊車可以係大埔公路大埔滘段咪鏢位攪掂,
起點同終點都係同一個地方, 非常方便

起點付近一間我地覺得好似 zoo D habitat 咁既屋, 想當年應該好靚

絕對覺得Kannie係一隻好鐘意探險既既狗,
去新地方佢會好生猛, 左睇右睇左睇右睇左睇右睇左睇右睇…..

叫得做林徑。。。全程 2:45小時真係全
部都係樹林入面, 睇唔到出面係咩世界!!

春天又暖又濕, 周圍都見到好多菇, 好多菌

行得林經景觀就沒有了,
但係比樹木包圍既感覺真係好好, 好靜, 空氣好清新好香

林徑分四條不同長度既trail, 3km至10km等,
我地揀左第三長既啡徑, 7.5km……

7.5km, 接近三小時就行完。。。之後我地去左西貢滔滔!

回程時又落雨。。。
幾時先落完雨ah…

 — Andrew’s Photo Album