大眾 VW Golf 6 ABS Sensor Fix 著abs燈

話說 VAG D車既ABS都有個通病，ABS sensor好易著燈話壞
懶既 HK$2000 番廠搞，識車房既大概 $1200 搞掂
Enjoy DIY 既 HK$50 ….

一個ABS sensor, 搞到ABS 又唔work, ESC 又無，DSG 又出Code,
Hill Hold 又無咗…Golf mk5 以經有既問題，連累咁多野，點解唔整好佢架 -_-“

有得督電腦就最方便，馬上知道係邊一個sensor壞，
壞sensor 就好，壞abs鼓就勁麻煩了
今次好彩只係壞咗左後面果個sensor…..

 ABS sensor 通常都係brake 碟後面….

係brake後面好明顯會見都個插頭加個5mm hex頭既野，果個就係個 abs sensor….

唔知頭唔知路要拆條電線都可以好翹手，希望幅圖幫到手啦

就係佢!!  1K0 927 807
鐘意既可以買過個新既，
淘寶叫Golf 6 後輪速傳感器, $200有找

不過尼舊野其實就好難壞，入面應該都係舊磁石，
有咩好壞?!?! 去油站搵支 Brake cleaner 整乾凈佢就得！

再用之brake cleaner 喪噴個sensor 原本個窿…
會有好多好多黑色既汁液流出，好high的 😛

再係咁二抹下個窿

咁就搞掂！黎個Reverse steps, 裝返好個sensor，
15分鐘就得，後黎仲發現其實轆都可以唔洗拆，
有Can Bus 既就插電腦cancel個電腦error code，得左 🙂

鴨脷洲玉桂山！ Ap Lei Chau Mount Johnston Hike

話說上次去o左玉桂山側邊既玉桂山副山，
係一個好奇怪既小山丘，矮矮既但係就有4支三角測量柱…..
望住高D既玉桂山主峰同埋果個連住鴨脷排兩個島既小小沙灘，
好似好好玩咁就一直等緊機會去…..

今次趁復活節四日假夾啱潮退就決定去睇睇玉桂山，
順便去埋鴨脷排睇下係點樣啦。。。

上網搵好晒資料，玉桂山196m高，
同行慣晒既山頂4百幾meter矮好多
心諗應該好容易啦……點知………@@！！

要泊車就可以係利景街泊錶位，
果頭多得新海怡廣場D人亂泊街，
其它位六日抄牌抄得好勁好勁好勁的…博不得

起點同上次一樣，係鴨脷洲香港駕駛學院對面上去配水庫，一直行上到尾…

然後左面就有條小路上山，唔係Offical trail,
但係條路都行得好明顯下，好難蕩失路既

起初都好地地，條路好多碎石但係唔算太斜….ok既，ok既

點知行左一陣就見到條繩….心諗大鑊了
同Pauline仲要帶住兩隻狗…..Kannie 都還好，唔洗拖繩，
Tate全程真係要on leash, 分分鐘成隻狗飛返落鴨利洲利東村 :S

條路真係好彩有好心人整好條繩，如果唔係好難行，好斜好危險

睇下Kannie就知有幾斜，45度泥沙路真係多得條繩咋….
好surprise今次Pauline無鬧我搵條咁既路比佢,
不過我個心就一路爬一路驚落山點算 😛

196m 高山其實真係唔係好多路行，
不過爬泥沙路要小心翼翼就用左我地一個鐘頭咁上下時間啦
又儲多支三角測量柱相 😀 香港島既collection其實以經儲得八八九九了.

印像中好小地方會比我見到晒成個南丫島

上到玉桂山山頂，就要落番山去鴨脷排，起初落山既路都ok,
落左一半之後又見都條落山繩！！

雖然好想去鴨脷排睇埋個燈塔, 但係心諗…算了，
帶住兩隻狗真係唔容易，都係回頭番上去慢慢落山，
下次無帶狗先去:)

見到D貨船排住對咁入香港，條航道好整齊

落山路真係比較難，好彩有條繩，D狗個樣都好迷網…

今次上玉桂山真係有D似rock climbing 咁，
無條繩揸住真係會跣落山死得!! 而最surprise 既係 Pauline竟然話好玩，
仲記得第一次上難度底一級既大金鐘時差唔多喊出黎，
睇黎佢既行山skill真係進步左好多了 😀

深圳野生動物園 – Safari Park Shenzhen

因為Pauline之前有個長假，因為Groupon有 HK$79 去一個我地未去過既動物園，
有機會去動物園我地點會miss 左個 chance 呢！

— 點去 ? —
經羅湖搭深圳地鐵去大學站再搵的士/巴士好易就到。

唔知係唔係因為係平日，所以唔係好多人，地方都好意想不到咁好闊落乾凈

每日到有幾個 animal show, 我地只manage睇到一個show, 好多小學生

大家留意一下以下長黑熊出嫁圖…..

紫羅蘭山

今個星期行既山叫紫羅蘭山….一次過可以行三個山頭
係陽明山莊泊入口泊好好車後入口就係後面…..

———————- From Wiki ———————-
紫羅蘭山（Violet Hill），原名高峒山，是香港一座海拔433米山峰，
位於香港島南區的淺水灣和赤柱交界，西面鄰近山峰高436米。兩個山峰均設有三角網測量站。
————————————————————

入口

總之就一直行，得一條路，433m 高山only, 好容易的

30-40mins 就到達第一個三角網測量座標，
梗係要影番張相啦

Please click here for the 360 view!
http://360.io/rg5De2

跟住一直向前行，見都深水灣淺水灣等

因為要搵第二個三角網測量座標，我地要再向上行！

亦要爆山路….

好不容易就到第二個，跟住我地就要落山了

一直落就會去返黃泥涌水塘公園

就此完結，成程路 “好似” 2hrs 搞掂  🙂

———————————————————————————————————————————

香港島大概有38 個山頂可以去，
Kannie以經去左22個了。。。

另外加插Kannie同我地去Jaspas 食 Brunch 😛

香港島奇力山 – Mount Kellett

同Kannie上晒香港島既Project又搞掂一個  — 奇力山

—————From Wiki————–
奇力山 Mount Kellett 是香港的一個山峰，海拔501米，為香港島第三高峰。
位於香港島西南部，但地區行政上屬於中西區。奇力山得名自一位名為奇力Kellett的英國海軍測量工程師。
山的東部和西部分別屬於香港仔郊野公園和薄扶林郊野公園。不過奇力山山頂範圍不在郊野公園以內，連同觀龍角和歌賦山，為一高尚住宅區。
——————————————

山頂道經加列山道，左面尼一座就係奇力山了
一直入一直入到60號，睇地圖就係尼到直上

5分鐘一直行上去，點知原來上山頂條路被封，
係正常程況下應該係最高點了，合照當然少不了啦！

Homestead Road

—————————————————————–
點去奇力山
薄夫林 -> 龍虎山 -> 夏力道 ->山頂道 -> 加列山道60號門牌上

香港最南端 – 蒲台島

又一個極度cozy既星期六下午，原本諗住十點搭由香港仔出發
既蒲台島船然後食個 easy lunch, 但係見Pauline有小小咳就算喇，
我地搭1:20pm只由赤柱出發既翠華船一樣可以je, 星期六就應該係咁樣吧

咁啱赤柱有Stanley Plaza Food and Music Festival  最喜歡就係lee D 有學校orchestra既
festival, 就一於買隻熱狗買個包左一陣聽下音樂支持一下！ ：D

＄20一程船，唔收八達通，記得帶夠散子….

無plan點行，凈係知到大概本個鐘幾船程之後只有個兩鐘頭周圍行，係碼頭有個地圖，
我就決定左行粉紅色條Trail行，去香港最最最最最南端！！

原途一直到好易行, D路鋪得好靚好乾凈，唔跣唔多斜路

去蒲台島既南邊無咩舊建築物睇，主要都係睇海睇石多 —- 佛手岩就係其中一舊怪石

一直行就見到南角咀既牌，而南角咀就係一般人可以去到香港最南端既陸地！

click 落福圖就睇都個 360 view!
http://360.io/jZWkPK

Click me too for this cute 360 view!

靈龜上山石….比人扒左上去 XD

順住行一個鐘多D應該無問題，但係想慢慢歎下風景就唔夠時間了

返到香港仔啱啱黃昏lu, 蒲台島比我想像中好同埋先進
兩個鐘只係原成左蒲台島一小部份，
下次要帶埋Kannie去先得。而前面尼個玉桂山又係未行晒既。。。

香港地真係好多山要行行行

長洲有個小長城

就因為Pauline成功候補到康文署既正確使用健身室設施簡介會，
而個簡介會係要三個鐘頭既咁原故，我就突然間可以再次一個人行山！

平時去長洲都係飲飲食食行下離島小舖多，從來都唔知有個觀音灣，
更唔知有條trail 叫小長城…今次就決定花D時間行晒佢！

觀音灣

華威酒店左面經過觀音灣之後就係小場城既起步點，
觀音灣有幾間小形茶餐廳，對住大海，可以食個快飯既 🙂

睇地圖，沿住小長城會有好多奇石睇，講真，係好無咩興趣
對住個大海都夠享受了

尼舊就係叫花瓶石，一D都唔似，夾硬黎…
不個花瓶石係可以行入去，參觀一下都幾特別既

就係咁窄，一個正常人都無問題既

入口好易見，問題亦都出然了，點解會有人係每舊石上面寫字架！？！
好地地一舊石就比你地逐隻寫大字搞到花晒 好睇咩？？！？
如果係政府搵人寫既話真係抵打，帶頭示範塗鴉乎？？真係好心痛

個地方又唔似小長城，跟本就係想韜真長城光，呃人去！我唔係話條家樂徑唔好行，
但係改名果個真係好唔掂。。。

而尼舊就係叮噹石。。。邊忽似呀唔該….
當然，有人塗鴉左個 “叮噹” 字上去啦

因為小長城係條dead end trail, 所而要上花坪再跟住思高路行就會返返觀音灣，
今次又要比我鬧多次….個地圖係無話比人聽lee條花坪既路，
好多遊客呢就唔想行回頭路企左係到望住個地圖好迷網。

當日我就教左3 group 外國人點樣行一個圈，行埋條家樂徑去

思高路上既鴛鴦石，係個好好觀海既地方！

一直行思高路就會見到好多渡假營，修導院咁，最後行原一個圈返去觀音灣接Pauline 🙂

最後因為想避開長洲碼頭好多人而行細街結果遇到既
nitti-gritti 家品小店
好多野到好靚，我地都忍唔住埋左三樣野先捨得走:P
下次去長洲值得再去！

最後行多陣就呀媽call返屋企食飯lu

長洲運動日

話說要係香港用康文署轄下既健身室係要上一個網上面無得登記既「正確使用健身室設施簡介會」
咁無得online register 就只會叫你有open slot前幾個月就親身
朝早七點鐘去counter報名，否則就係永遠既
course fully booked status….無得上個簡介會就唔洗指意有得用個gym…

我同Pauline搞左成年，鬼咁麻煩始終都未正式報到個班，嬲嬲地就決定試下walk-in執死雞算數。。。

見到長洲同東涌即刻2pm有班, 我地早左一個鐘頭去排後補，結果我地排第一位，counter好好人mark底左Pauline個名，我地就可以周圍行下食下野：）

首先，原來島報業集團及萬金油的創辦人
胡文虎與胡文豹以聖約翰救傷會名義興建，英文名繼續用 “Haw Par” 黎命名，
就係長洲體育館隔黎，外形真係好正。

跟住原來我一直都唔知長洲有個觀音灣。。。後黎原來仲有好多地方未去過，
係下個blog post 再講 ：）

慢慢行下好快就夠鐘返去排候補，後黎仲共有成十個人黎排後補，全部都好好彩有位！
一個班25個位，真係有一半係無到既。。。要咁煩先報到名點解唔去？ 真係莫名奇妙…

總知最後我地候補執死雞成功！ 我地又少一個唔做運動既原因lu!

下長沙泳灘

上長沙加埋下長沙泳灘就係成個長沙….
長沙係全香港最長既沙灘, 其實水質同沙既質素真係好一般
需然佢山長水遠, 但有蜆摸, 有好野食,
弄潮兒(係我知, 咁叫好老土, 但係我應該寫咩吖?)比西貢或石澳少
總會有D吸引力既 🙂

香港地水域真係度度都有唔同海產

石澳赤柱就多海膽
長沙貝澳就好多蜆同貝殼類
西貢魚夏蟹連海星乜鬼野都多!

租沙灘傘唔知點解比埋大剷我玩,
心諗有咁好機會梗係唔會放過佢啦…..
首先起返長beach chair 歎下先 XD

唔知點介掘掘下越掘越大個窿, 一大個火山口咁…
連付近D小朋友都話未見個咁大個”窿”, 問我話可唔可以參觀一下 😀
HAHAHAHHAHA  識貨!! 我話當然無問題啦

跟手位小朋友仲話要起條坑比D水流入個窿度,
雖然我心裡梗係知度唔work 啦,
但係我就唔出聲係要比試, 男仔呀嘛, work 唔 work 都好，
總知從錯誤中學集係有佢既樂趣既 🙂

就係咁, 我地就夾手夾腳掘左條起碼50米長 x 30cm 深既水渠
好可識位小朋友既老母話要走….無得睇條坑出到去水注定失敗既實驗

話咁快就玩到夜晚。亦都係我期待既時侯,
The Stoep 係我好喜歡既餐廳，真正背山面海
Under the sun 玩完一日，晒飽太陽浸完海水沖乾淨涼
著返件舒服既 beach wear，open air 淨淨地(比較上係啦)
食個晚餐……..正x100000 😛

Pauline 既 Fish and Chips 同埋我既 Grill steak 再加埋我地最愛
Stoep 既 Scalloped Potatoes 😀

回航時好彩搭到班慢船出中環, 雖然而家既慢船無
以前細個咁有個船美係露天既比人坐….
但係因為無冷氣既位係仲可以伸挨住條欄邊
繼續享受我既海風 🙂 咁啱月亮又鬼咁大個,
加埋西環咁靚既景真係好好睇!!

西高山點去 – Hong Kong West High Mountain Guide 路線

真係好喜歡西高山。
除左因為除左對我黎講好放便之外又
夠晒多梯級做運動同時又風景美麗…一舉多得！

但係去西高山從來都無路牌，
實在見過太多人問路，所以今次試下寫得清楚D睇下幫唔幫到大家啦

講話山頂行個大圈好多人多知係邊，而果條路就係盧吉道…
西高山既入口就係盧吉道/克頓道/夏力道交滙之處
係果度係會有一個好靚既休憩亭….休憩亭既左面會有一個唔起眼既入口…
一直入一直入之後就會係最尾左手面有一條長長既樓梯，800-900級，上到頂後就係西高山頂！

Click the picture to view the stunning 360 View!

西高山亦都係影日落既好地放，但係要小心天黑落山
帶足夠照明應該都無咩問題既

由薄夫林出發，我地就會徑龍虎山徑上山頂，
沿途有花園有河流，今日好熱起碼32度, Kannie一見度條河就勁開心！

點解咁開心？？ 玩水囉！

玩完水就行上西高山，左面好多塔既就係552m高既扯旗山（太平山）

玩完就落山返屋企lu

西貢獅子會放狗

又一個好熱既summer weekend,
同Pauline媽同Pat 又行唔到山, 飲完茶休適一陣四點半西貢獅子會就會閂門
但係佢地既公園係仲會開放比人同狗，除左無咁熱之外亦都放便泊車（仲要免費）！

真係好好陽光…

Pat, Kannie and Pauline resting after the walk under the sun!

吊係樹上既冬瓜….夏天真係種咩都大D…

我地都好想種茄子,菠籮, 辣椒… 😛

903 初戀無限次 – 常大致與葉欣琪的故事…

話說講起最近又成日亨
楊采妮隻初戀，條癮一發不可收拾，
又再重聽十幾二十年好興既903 廣播劇 – 初戀無限次!

想當年叫做903蘭茜夫人劇場，梁朝偉同楊采妮做既廣播劇，
常大致同葉欣琪的故事，仲記唔記得？？

今次我create 左個youtube playlist, 一次過唔洗click黎click去重溫 “初戀無限次” !

全部33集，Enjoy!

與此同時我仲搵到個host係netvigator既web page 上載左小說版添！
http://home.netvigator.com/~loveckw/live.html

話時話蘭茜夫人尼個名真係好難頂 :S

書展終於完結了

事前準備左一個月有多。。。
再加上每一日都打丈咁個過左七日
真係人都散晒 lu

每一日都不停會有變化，
每一次變化又即時睇到個反應

其實真係好似打機咁，但係攰十倍
刺激一百倍都好好玩既

hahaha 唔知係唔係因為3個 booth放左係
English Avenue 區入面, 準備好既business書去得好慢
咁就要馬上諗辦法去谷D Business 書而比我創作
出黎既兩個臨記。。。真的要感謝佢地呢！

Stanley Cave – New bakery in Hong Kong!

星期日晏晝無啦啦落咗場無情雨，攪到我哋下晝無得行山夜晚就好得閒
唔想行shopping mall 但係仲想出街咁就去赤柱……

記起係朋友facebook 見過lee間叫 Stanley Cave 既Bakery shop,
Pauline咁鐘意麵包就梗係要去試一下啦，去到大門口（後黎先知尼個原來係側門）
企左係度望左望右，諗緊有無記錯地方就特然其中一個
pastry chef  (我地估咋）踩滑板出現係我地後面, invite 左我地入去參觀下啦，
咁我地就confirm 無記錯放心入去!!

原來佢地閂八點，我地啱啱8點佢地正準備閂門, 咁我地都唔好意思慢慢欣賞，
佢地幾個 Pastry chef 需然無趕我地走仲同我地講佢地新開, 有Sandwich咁咁咁
不過我地都快快手揀左個chocolate crossiant 同埋 個chocolate muffin 就啦啦聲走人….

正當我地比好錢時個滑板男就特然請左我地試佢地既Frozen yogurt,
係好好好好滑好好味！我地一定會再來幫襯！

個 chocolate croissant 唔記得影相, 可能係太夜喇, 個 croissant 淋左喇，
不過食得出佢地係有心整既，入面仲有nutella! 下次一定要再試！
個 chocolate muffin 都係一樣啦，不過就越食越好味 😛

食下行下去到Stanley Plaza…

稻香既鍾菜出面原來可以泊狗, 飲茶都可以帶埋Kannie喎！

之後我地去左 Pizza Express 食個 outdoor moonlight dinner 🙂

死火…乜我睇落咁肥

新加坡的虎豹別墅 – Singapore Haw Par Villa Review

除左香港之外, 虎標萬金油…. 星島日報創辦人胡文虎係
新加坡同福建都有虎豹別墅比人參觀順便推廣虎標牌產品
今次係毫無準備之下特然參觀lee個係80年代新加坡top 3
旅遊地點真係如果唔係咁都唔會去…其實我都唔知有個咁既地方

地址：
262 Pasir Panjang Rd, Singapore 

於1937年建造，屬於世界上第二座虎豹別墅！ 係胡文虎細老胡文豹係新加坡既屋企
除左係最大既虎豹別墅之外, 特色就係將中國民間故事集合於一處包括西遊記、八仙大鬧龍宮、白蛇傳
最特別我覺得就係Ten courts of Hell exhibit, 中國佛教與道教十殿閻羅王故事….

個公園而家全部免費, 如果要泊車既話就可以泊係入面, 承惠SG$5

虎標萬金油當然要出場一下啦

莫講話想當年, 今時今日揸架咁既野出街一定好爆

應該係我見過最恐報既展覽 – 十殿閻羅鬼門關, 牛頭馬面等緊你

閻羅王更分為十殿，十殿各有其主和名號…
秦廣王, 楚江王, 宋帝王, 五官王, 閻羅王, 卞城王, 泰山王, 都市王, 平等王, 轉輪王
統稱十殿閻羅王, 每一位都有其專職, 懲罰生前犯不同罪既人

（以下圖片會另人不安）

有興趣的話請自行再作研究。。。我地就出去繼續行下

二十四孝：乳姑不怠

“當年，崔山南的曾祖母長孫夫人，年事已高，牙齒脫落，祖母唐夫人十分孝順，每天盥洗後，都上堂用自己的乳汁餵養婆婆，如此數年，長孫夫人不再吃其他飯食，身體依然健康。長孫夫人病重時，將全家大小召集在一起，說：“我無以報答新婦之恩，但願新婦的子孫媳婦也像她孝敬我一樣孝敬她。”後來崔山南做了高官，果然像長孫夫人所囑，孝敬祖母唐夫人。

有詩曰：孝敬崔家婦。乳姑晨盥梳。此恩無以報。願得子孫如。”

少不了虎吧

白蛇傳

睇夠了, 對中國文化不太關心的好快就會睇完
細心睇既話消磨到兩三個鐘既。。。 總括黎講免費既話我覺得不錯既,
而佢地亦不停在翻新, 唔會覺得太太太落後

學生勞作教材有限公司

 

話說有一日入西貢之前就好想去食巧興
食個雞絲涼麵cooldown 一下先…食完先知原來
隔離新開左間手作材料鋪! 😀

學生勞作教材有限公司 – 總共有兩層,
美術 / 手作材料非常之多 🙂 有時間的話真係可以行好耐。

是日Pauline就見都D Hamanaka 新野,
叫做 LacoLab series, DIY 整 Hair band!
將會係 Pauline 係 wool felting 後另一巨作 😛

我地未係第二D地方見過 Lacolab 既野, 可以見
學生勞作教材有限公司係有幾多貨品,
係間有心而值得Support的好鋪呢！

Lacolab Official Page:
http://www.amuuse.jp/home_sewing/goods/lacolab/

Happy Handcrafting
—————————————————————————–

學生勞作教材有限公司
– 土瓜灣安徽街6號嘉信大廈地下 –
http://www.diyshop.hk

14萬！

不經不覺14萬view了！
試過有人睇過個Blog係朋友之間認得出我
試過有人問我點整車
好多人睇左D地方然後問我
試過D相比人用去出書,
試過有Review上日本航空集誌
雖然而家好少有人寫blog了。。。
whatsapp, twitter, facebook….
我就因為覺得115 word count
入面真係無大大張相咁過癮
但係唔知點解仲係好想寫落去！

係時候換個新Look, D相大再張D靚D!

西環雞煲”雞煲”

西環士美菲路市政大廈熟食中心出面有個廣告牌好大
隻牌寫住雞煲同鱷魚。。。成日都好好奇好想去試下，
成三年黎都係經過無試過， 今日同老友Henry同Alex就去試下！！

間鋪頭就係叫雞煲, 二話不說, 主打都係食雞煲吧…

我同Pauline都係第一次食雞煲
乾雞煲我地揀咗微辣，唔會食到最後辣得滯咩味道都無晒，
但係又有麻辣香， 隻雞好滑好香, 真係好好味！

D雞食到七七八八就落湯打邊爐, 又一風味！

當晚另一高潮就係試鱷魚肉….食落就似雞肉, 應該唔算肥, 味道偏淡….
其實冰鮮鱷魚肉嘅大昌都有…唔知D人買黎點煮呢???

金祥排骨麵

係西環西營盤德輔道西既金祥排骨麵,
搭車就經過好多次, 但係就總無機會試下

係美國讀書個陣時, 台灣排骨飯都算係我最喜歡
既fast meal, 大大塊排骨, 加鹵肉同隻鹵水蛋….us＄4就肯定飽到上心口
所以見到黎D排骨麵鋪就會心郁郁想去試下

話說有人買左對新 Rain boots….買左幾日都無落雨,
本來諗住係屋企食, 因為一場雨結果我地要出街食 -__-”
見大雨仲要去遠D食….有無搞錯

就係因為尼對boots….

好在原來金祥排骨麵真係好味又抵食, 麵用上海麵,
唔會好似米線咁煩, 至少食落感覺會消化到先啦！！
而Pauline就食咖喱雞麵…
個咖喱竟然做得好香好好味, 都係唔錯既選摘 🙂

+兩杯凍飲, 最後埋單都係 ＄66 only,
都收貨了, 唔怪得知坐滿人啦!

金祥排骨麵
香港西營盤德輔道西316號地下C鋪 (Sai Wan)

大棠荔枝山莊

話說去完咁classic既Shatin Inn 之後,
就繼續去D古老地方 – 大棠荔枝山莊!

老豆話我地20幾年前黎過, 我一D印像都無…
“Instagram模擬當年效果”

大棠荔枝山莊泊車就可以係佢個免費停車場搞掂, 入場費$20…

隻兔仔唔知點解會係個籠外面走黎走去….

值唔值得去？？？ ＄20位, 當係去行下, 喂下馬喂下動物睇下植物同魚咁囉