45分鐘赤柱斜炮頂路線!

話說上星期先去完斜炮頂
今個星期就同埋Pauline 帶 Kannie 同 Tate 上去!

路線都係同上次一樣,今次唔多講了

*** 360 全景圖 ***

仲有三個山頭,Kannie 就上晒香港島既山了….

Advertisements

鴨脷洲玉桂山! Ap Lei Chau Mount Johnston Hike

話說上次去o左玉桂山側邊既玉桂山副山
係一個好奇怪既小山丘,矮矮既但係就有4支三角測量柱…..
望住高D既玉桂山主峰同埋果個連住鴨脷排兩個島既小小沙灘,
好似好好玩咁就一直等緊機會去…..

今次趁復活節四日假夾啱潮退就決定去睇睇玉桂山,
順便去埋鴨脷排睇下係點樣啦。。。

上網搵好晒資料,玉桂山196m高,
同行慣晒既山頂4百幾meter矮好多
心諗應該好容易啦……點知………@@!!

要泊車就可以係利景街泊錶位,
果頭多得新海怡廣場D人亂泊街,
其它位六日抄牌抄得好勁好勁好勁的…博不得

起點同上次一樣,係鴨脷洲香港駕駛學院對面上去配水庫,一直行上到尾…

然後左面就有條小路上山,唔係Offical trail,
但係條路都行得好明顯下,好難蕩失路既

起初都好地地,條路好多碎石但係唔算太斜….ok既,ok既

點知行左一陣就見到條繩….心諗大鑊了
同Pauline仲要帶住兩隻狗…..Kannie 都還好,唔洗拖繩,
Tate全程真係要on leash, 分分鐘成隻狗飛返落鴨利洲利東村 :S

條路真係好彩有好心人整好條繩,如果唔係好難行,好斜好危險

睇下Kannie就知有幾斜,45度泥沙路真係多得條繩咋….
好surprise今次Pauline無鬧我搵條咁既路比佢,
不過我個心就一路爬一路驚落山點算 😛

196m 高山其實真係唔係好多路行,
不過爬泥沙路要小心翼翼就用左我地一個鐘頭咁上下時間啦
又儲多支三角測量柱相 😀 香港島既collection其實以經儲得八八九九了.

dtVZcj_crop

印像中好小地方會比我見到晒成個南丫島

上到玉桂山山頂,就要落番山去鴨脷排,起初落山既路都ok,
落左一半之後又見都條落山繩!!

雖然好想去鴨脷排睇埋個燈塔, 但係心諗…算了,
帶住兩隻狗真係唔容易,都係回頭番上去慢慢落山,
下次無帶狗先去:)

見到D貨船排住對咁入香港,條航道好整齊

落山路真係比較難,好彩有條繩,D狗個樣都好迷網…

今次上玉桂山真係有D似rock climbing 咁,
無條繩揸住真係會跣落山死得!! 而最surprise 既係 Pauline竟然話好玩,
仲記得第一次上難度底一級既大金鐘時差唔多喊出黎,
睇黎佢既行山skill真係進步左好多了 😀

孖崗山 – The Twins

由孖崗山望落赤柱非常開陽舒服 🙂

為左要同Kannie去晒香港既山,
今次去既就係孖崗山!

今日年初四好熱,帶住Kannie係香港仔無咩野可以食,
我同Justin就決定快快手買個飯盒去淺水灣食就算 😛

大年初四有得去淺水灣游水晒太陽真係好似未試過…
而我地就搵達地方望住個沙灘食我地既飯盒 !

 

上孖崗山有兩個大路方法,一係由赤柱馬坑上一係由淺水灣南灣坊小路上。

就因為淺水灣南灣坊可以泊車做起點,比起由赤柱泊車方便,
咁我地就從淺水灣坳上衛奕信徑,
上第一個 363m 既孖崗山然後再去另一個 386m 既孖崗山,
然後落返去孖崗山引水道行返去南灣坊。

Screen Shot 2014-02-04 at 9.51.51 pm

全程 6-7 km.

就係係南灣坊尾有條路上衛奕信徑。

一直上就係引水道,轉左行一陣就係淺水灣坳…

有路牌去赤柱峽道…跟住行就會上到孖崗山係!

馬上就見到 950-1000級樓梯,D梯級好高,所以感覺上比起上西高山難少少

話咁快就到孖崗山第一個山頂。。。梗係要同Kannie影張相啦
(佢 lay 埋左入D草度!)

跟住就直行去埋另一個386m峰

當然要同Kannie影多張相啦

跟住就望住赤柱落山,條路非常開揚,23度有太陽又有風
非常舒服!

孖崗山觀景台

見到引水道就行返去南灣坊了

沿途見到龜背灣, 淺水灣等….

全程花左3個鐘,花左好多時間係度睇風景,如果快行的話兩個鐘就可以了 🙂

渣甸山 + 小馬山 + 畢拿山

今個星期Pauline 同 Karen 去整蛋糕,
我就同好耐無見既Justin去行,見咁耐無見,
就不如搵個新地方去吧!
起初只係諗住上渣甸山再上小馬山,上網睇要兩個鐘,
結果我地只係用左一個鐘,最後決定上埋畢拿山再落大潭水塘
行返去個路邊停車場。總共行左三個鐘,上左三個山頂,收穫非常豐富!

—– 點去?—–
大潭水塘道,陽明山莊入口,路邊停車場旁睇路牌就上上上上…

Screen Shot 2014-01-19 at 9.20.50 pm

路牌話要3/4小時上渣甸山….

結果我地用左15分鐘就到達了

個 lookout area 望住大坑/北角,同平時見開中上環個景觀好唔同 🙂

繼續行,就見到個石礦場,睇到好似有人係到拍緊戲,見到有架車反轉左

一直行行左條shortcut, 搞到又要爆林,D草生到人咁高 XD

然後就接返衛奕信徑就會搵到小馬山三角座標

見有時間就上埋畢拿山吧,就係前面個尖尖,
到時落大風坳就可以行水塘返架車度,唔洗行回頭路了

畢拿山三角網測站又係人山人海

大風坳

大潭水塘

5:50pm 返到起點 🙂

同Justin講起今年要繼續努力減肥,佢要減成30lbs,
我?? 肥又係138lbs, 瘦個期極其量都係130lbs,
減30lbs 肯做運動好容易減得到
我要減8lbs -_-” 其實好難….

中秋西灣露營 – Camping at Sai Wan!

一年一度既露營揀左係中秋節後一日去,
未試個full moon去露營,
秋天來個 under the moonlight 晚餐應該好爽吧

超強颱風天兔兩日後就到達,暴風雨前夕特別好天氣,
又好好彩係北潭涌搵到車位,好開心就無為意跳上左架紅的士…..
係西貢搭紅的士係好錯既事….

1 – 佢地真係無本地薑綠的咁熟路
2- 佢地係貴D架!!!!!*&(

結果我就中晒….搭開由北潭涌去西灣亭只要大概$45
今次個紅的士司機唔熟路仲要勁無禮貌,十問九唔應,你識路我教你就聽啦
仲同我拗。。。結果$45路程搞到$70,見佢咁無文化都費鬼事要佢減番行錯路既錢
落車後真心真心祝佢無生意唔好再害人就算,唔好再影享我今晚camping relax 既心情!!

大家認住Pauline尼個 glasses look 喇,去埋今次沙灘,佢就要做Lasik,
要同水上活動say bye bye 一個月。。。好番時都十一十二月lu 無得去玩

西灣既右手面好靚個灘唔知做咩勁高潮。D人過晒黎左面個灘

起好我地個營。。。大大話話個Tent用左 最少10年。
NorthFace D 野真係好襟,係就係貴少少,但係歎足十年又無穿無爛都叫做物超所值吧

我地格離個Tent勁細…做乜鬼野呀….

追月晚上月亮都好大好圓 :) 準備moonlight dinner!

食下野,係飲下野,行下沙灘再瞓係moonlight 傾下計又一晚

第二朝好大風, 吹到出面塊地蓆捲起左好嘈
Pauline 如常好好瞓, 但係我就醒左…..咁啱就睇到個好靚既日出

特登起身睇日出就唔好搞我,
反而唔覺意起左身睇到既日出仲有味道,似一個 suprise 咁

*** Click me for the 360 view of the beautiful sunset! ***

右面既西灣唔知係唔係因為有個颱風黎緊
好大浪亦都好高潮水。。。。。。。。
影左個 360 你地自己睇下
*** click ***

最愛既西灣茶座唔知搞咩,可能係因為塊地係霸番黎用,
而家政府要收番 :S …..真係好搞唔搞….西灣茶座除左做生意其實都為我地提供好多方便呢

西灣點去唔再講喇,係我其它Blog到提過N咁多次
https://penninghearts.wordpress.com/2012/09/27/西貢大浪西灣/
每年Camping 一次話多唔多話少唔少,但係以經成為我同Pauline每年必定期待既事 :)
有D咁樣一齊routine都做既事都幾好丫

新加坡的虎豹別墅 – Singapore Haw Par Villa Review

除左香港之外, 虎標萬金油…. 星島日報創辦人胡文虎係
新加坡同福建都有虎豹別墅比人參觀順便推廣虎標牌產品
今次係毫無準備之下特然參觀lee個係80年代新加坡top 3
旅遊地點真係如果唔係咁都唔會去…其實我都唔知有個咁既地方

地址:
262 Pasir Panjang Rd, Singapore 

於1937年建造,屬於世界上第二座虎豹別墅! 係胡文虎細老胡文豹係新加坡既屋企
除左係最大既虎豹別墅之外, 特色就係將中國民間故事集合於一處包括西遊記、八仙大鬧龍宮、白蛇傳
最特別我覺得就係Ten courts of Hell exhibit, 中國佛教與道教十殿閻羅王故事….

個公園而家全部免費, 如果要泊車既話就可以泊係入面, 承惠SG$5

虎標萬金油當然要出場一下啦

莫講話想當年, 今時今日揸架咁既野出街一定好爆

應該係我見過最恐報既展覽 – 十殿閻羅鬼門關, 牛頭馬面等緊你

閻羅王更分為十殿,十殿各有其主和名號…
秦廣王, 楚江王, 宋帝王, 五官王, 閻羅王, 卞城王, 泰山王, 都市王, 平等王, 轉輪王
統稱十殿閻羅王, 每一位都有其專職, 懲罰生前犯不同罪既人

(以下圖片會另人不安)

有興趣的話請自行再作研究。。。我地就出去繼續行下

二十四孝:乳姑不怠

“當年,崔山南的曾祖母長孫夫人,年事已高,牙齒脫落,祖母唐夫人十分孝順,每天盥洗後,都上堂用自己的乳汁餵養婆婆,如此數年,長孫夫人不再吃其他飯食,身體依然健康。長孫夫人病重時,將全家大小召集在一起,說:“我無以報答新婦之恩,但願新婦的子孫媳婦也像她孝敬我一樣孝敬她。”後來崔山南做了高官,果然像長孫夫人所囑,孝敬祖母唐夫人。

有詩曰:孝敬崔家婦。乳姑晨盥梳。此恩無以報。願得子孫如。”

少不了虎吧

白蛇傳

睇夠了, 對中國文化不太關心的好快就會睇完
細心睇既話消磨到兩三個鐘既。。。 總括黎講免費既話我覺得不錯既,
而佢地亦不停在翻新, 唔會覺得太太太落後

新加坡東海岸公園踩單車 Singapore East Coast Park Cycling!

新加坡East Coast Park 係新加坡東南面一個沙灘公園,
係新加坡人喜歡去戶外做運動既好地 🙂  東海岸公園有8.5km 長既單車徑, roller-blade 緩跑徑,網球場, 釣蝦場, golf driving range, 食市, 游水, BMX場, Jet Ski…..咩都有得玩 🙂

今個星期日我地就去Roller blade 同 cycling!

Shiro 專車….如果去食飯帶埋尼架trolley真係一流地方便!!

出發了!

我深信狗就算坐車都會認得路…Kannie 同 Shiro 都好叻認路!

Shiro 真係好識歎

我地係 Cycle Max 租單車,
1018 East Coast Parkway, Pat 話佢地開到十一點都有得租!

成隻草泥馬咁望主Pauline租車!

Shiro 真係好乖, 佢坐係車頭如果佢唔定真係會好難揸

Pauline 同 Pauline 爸就 Roller blade…

個BMX Park好似好好玩

Bedok Jetty 係新加坡最長既釣魚碼頭

一路玩到sunset就去食晚飯lu